Aizawl : Senior Club Mizoram chuan March 8, 2024 khan Lungleng Lal Khamliana Sailo In ah Cottage Meeting an nei a. Upa te intihhlimna hun an buatsaih sak a, Lal In tualah chawchhun an eiho bawk. 

Senior Club Mizoram te hi Mizo Zaimi Inzawmkhawm (MZI) Lungleng Branch ten an lo dawngsawng a, Mizo thingpui hang, Mizo chhangban leh tualchhung Kurtai an lo hlui. Lungleng khua hi Mizoramah chuan kurtai uar taka tharchhuahna hmun a ni a, chhungkaw tam takin eizawn nan an hmang. 

Senior Club Mizoram hi kum 2021 September ni 4 a din niin; kum upa, inlama chawl tawh te hlimna siamsak tura pawl din a ni a, an pawl rorelna sang High Council thurel bawhzuiin; kum tin Cottage Meeting hi vawi 2 an nei thin a ni. Tun dinhmunah an pawlah hian member 100 an inziaklut.