FIFA football game khel thinte chuan kan hre theuh awm e, FIFA a inhnuhdawh hnunah EA Sports FC tih a ni. A chhuak thar ber tur EA Sports FC 24 chu September 29, 2023 hian tlangzarh a ni dawn ta.  

EA Sports FC 24 hi - PC, PS4, PS5, Xbox One, Xbox Series S/X leh Nintendo Switch-ahte a khelh theih dawn a, a nghehhlehawm tawh hle. Manchester City striker Erling Haaland chu cover atan hman a ni a, a phu he a tih theih awm e. 
FC24 hi FIFA game i lo hriat tawh thin nen khan a danglam tam dawn lo a, player rating erawh a danglam nual. Kuminah hian plyer 19,000 zet ziah luh an ni a, official league 30 a awm bawk. League zingah - Premier League, La Liga leh UEFA Champions League te chu a langsar zual an ni a, league dang eng emaw zat an awm bawk. 

EA Sports leh FIFA te sum leh pai chugchangah an inrem thei lo a, FIFA chuan EA Sports hnenah hian kum li chhung kum khatah $tld 1 (Rs. 8,216 crore) vel an beisei nia tarlan a ni a, hei hi EA Sports chuan an paw thei lo a, an intha then ta a ni. AN thawhdun tawh thinna atang hian Electronic Arts te an inhuk dawk a, an kal hrang zui ta a ni. 

EA Sports FC 24 Standard Edition hi Rs. 3,499 man a ni a, PC tan Epic Games Store chu Rs. 4,499 niin, PS4, PS5, Xbox One, leh Xbox Series hmanga khelh theih a ni. FC24 Ultimate Edition erawh Rs. 5,199 atangin aintan thung a ni.