December 18, 2023; Centre for Environment and Social Justice (CESJ) hruaitute chuan Vietnamese, a hming Dahn Niang, Serchhip district jail-a a tan hun hmangzo tawh chu, vawiin hian Thutak Nunpuitu Team (TNT) ah dah luh lailawk a ni.

Vietnam Embassy, New Delhi a hlan a nih hma chuan Vanramchhuangi Social Activist chu Dahn Niang legal Guardian a ni ang. 

Dahn Niang, taksa leh rilru lama rualbanlo hi, Ni 24, 4, 2020 khan Serchhip district Jail-ah Foreigner Case a dah luh a ni a Ni 29.7.2021 ah SI convict a ni a, convict na chu ‘SI Simple Imprisonment kum 2 leh Rs. 10,000 chawi a ni a. Chawi tur a nei loh chuan thla hnih dang tan belh leh tur a ni. 

Dhan Niang hi Jaila a nungchang that vanga Remission neuh neuh a hmuh nen, Ni 23. 6. 2022 khan a chhuak thei tawh a, mahse kalna tur a neih loh avangin Serchhip district jail hian an enkawl zui a ni. 

Serchhip jail hotu te, Serchhip district court a CJM-te, Mizoram Home department ten an buaipui nasa hle a, a chunga an tih theih ang zawng zawng an ti vek a, eng ram mi leh sa nge a ni tih hre tur ringawtin South East Asia ram hrang hranga Mizo missionary te an be kual a, chung atang chuan Niang hi Vietnamese a ni tih an hriat phah a, hmalak dan lo awm ta in Mizoram Home department-in Ministry of External Affairs an lo hrilh hria a, Vietnam Embassy chuan hun rei tak hnuah Dhan Niang hi an ram mi leh sa ngei a ni tih chhui chhuakin Vietnam thingtlang khuaa cheng a ni a. Vietnam passport pawh an siam sak

tawh a. Embassy lamin an lak theih hunah Dan Nianga hi an ram lamah a haw thei tawh ang.

Nianga buaipui hian Civil Society lam atangin Human Rights and Law Network Mizoram te pawhin sawrkar hmalakna puibawmin MEA lamte an lo bepawp a, Jail tan hun hmanga zo tawh awmna neih loh vanga Jaila awm reng chu Mizoram kristian rama rorelna dik lo leh tha lo

(injustice) a nih theih avangin, Centre for Environment and Social Justice (CESJ) chuan a awmna tur an dap sak a, mimal tlawmngaia enkawl lailawk thei pawh an awm laiin, TNT hotu ten inhawng taka anlo enkawl theih avangin lawmawm an ti hle a ni. Serchhip District Jail

thawktuten an dawnsawn danah CESJ chu an lawm tak zet a ni.