Tun hnai khan social media lamah Blake Shelton leh a bialnu Gwen Stefani te chu a rukin an innei ni awmin thu a thang a, hei erawh Gwen Stefani chuan a pha thung. American singer Gwen Stefani chuan an inneih loh thu leh Blake Shelton piancham lawm an nih zawk thu a sawi chhuak nghal vat. 

American country singer lar Blake Shelton hian June 18, Zirtawpni khan kum 45 a tling a, a birthday hi Gwen Stefani te nen hian an lawm a ni. ‘No Doubt’ frontwoman Gwen Stefani hian a inah Blake Shelton hi surprise party a buatsaihsak a, an chhungte leh thian hnai vai zualte an tel. Kum 51 mi lai ni ve tawh Gwen Stefani hian Instagram lamah birthday an lawmna video hi a tarlang a ni.