Shinzo Abe (安倍 晋三, Abe Shinzō, pronounced [abe ɕindzoː] hi September 21, 1954 khan Tokyo-ah a piang a, July 8, 2022 Japan sana-a chawhma dar 11:30 vel khan campaign a neih naah kah niin, hemi ni vek hian a hliam tuar lovin a thi zui a ni.

Japanese politician zingah pawh hriat hlawh ber zingami a ni a, Japan Prime Minister lo ni tawh a ni a, Liberal Democratic Party (LDP) -ah 2006 - 2007 leh  2012 - 2020 chhung khan President a ni a, hetih chhung hian Prime Minister a ni bawk. Japan chanchina primr minister n i rei ber a ni a, Abe hi Junichiro Koizumi hnuaiah 2005-2006 chhung khan Chief Cabinet Secretary a ni a, 2012 khan opposition leader a lo ni tawh bawk.

Politician chhungkua atanga chawrchhuak niin 1993 khan House of Representative-ah thlantlin a ni a, khatih laia Prime Minister Junichiro chuan 2005 khan Chief Cabinet Secretary-ah a ruat, 2006 khan prime minister atan a tum khat nan lakluh a ni a, National Diet chuan am pawm zui nghal bawk. Kum khat hnuah damlohna avangin a nihna atangin a inhnukdawk a, an party chu House of Councillors election-ah an tla zui bawk.

Damlohna in a kiansan hnuah Abe hi politics lamah a kir leh a, defence minister hlui Shigeru Ishiba chu a hneh zui a, a tum hnih nan September 2012 khan LDP president a ni leh a, hemi kum December-ah hian general elction-ah hneh takin an party chu a chakpui a, prime minister office-ah a tum hnih atan lakluh aa, 2014 leh 2017-ah hneh takin LDP chu hnehna a chanpui leh a, August 2020 thleng khan prime minister hna hi a chelh a ni.

Abe hi July 8, 2022 khan Japan sana-a chawhma dar 11:30 khan House of Councillors election atana campaign neia thu a sawi laiin Nara hmunah ka a ni a, a lung-ah tak ka nia sawi a ni a, kah a nih hnu hian a thi zui nghal maia ngaih a ni. Police te chuan a mah kaptu kum 41 mi Yamagami Tetsuya chu an man zui nghal. Abe hliam hi Nara Medical University-ah lak a ni. 

Shinzo Abe September 21, 1954 khan Tokyo-h a piang a, an chhungkua hi politics lama mzah kai tak an ni a, Japan tulchhung indo hma, indo lai leh indo zawh hnu thleng a, economic lama thawhtlawk chhungkua an ni. An chhungkua hi Yamaguchi Prefecture lam chhuak niin Abe pawh hian Nagato, Yamaguchi chhuak angin a inziak a ni.