Aizawl April 18, 2024 : Vawiin khan Siaha district chhunga Election duty tur mi pahnih te chu an ruih avangin an man a, duty chhunzawm lo tura tih an ni.

Duty tura tih te hi pakhat chu security duty tur a ni a, pakhat zawk hi Polling Officer tur a ni. Anni pahnih hi lock-up nghal an ni a, an dinhmun hi an pu te lamah thlen tawh a ni a, he thu buatsaih lai thleng hi chuan an chung hremna lek dan tur an la sawi thei lo.

Siaha atanga ZALEN thu dawnna Election officer chuan Election duty tur ruih ching hi an awm fo a, hremna lek a nih ngai loh avangin an inthlahdah phah nia a ngaih thu sawiin an chungah hian hremna lek tha a tih thu a sawi.