ZALEN, Mar. 25, 2025: Thla ruk kalta daih tawha a music video tihchhuah kha, tunah chuan a hnuhnung ber a la ni rih a. Chu chu kum hlui lam daih a ni tawh; kumin hian music video thar a la tihchhuak leh lo.

Sihphir nula zaithiam, Siampuii Ralte hian music video thar lamah thu thar a la nei rih lo va. Kumin hian music video thar hi a tichhuak dawn em tih pawh a la ngaihtuah lo.

Zai tura sawmna tam tak a dawn avang leh, zirna lam a ngaih pawimawh rih zawk avangin music video lamah hian ngaihtuahna a la seng lo, “Ka hre lo le...,” tia nui sun sun chunga min chhanna bak zawhna kan zawh pawhin ZALEN min chhang thei lo.

Siampuii chuan, “Lehkha zirte a ngai si a. Chubakah, zai tura min sawmnaahte zai kual a la ngai rih si lo. Music video lam thuthar engmah pawh ka nei lo,” a ti.

Lengi hitmaker hian Inrinni khan Kolkata-a Mizo awmten an sawm angin Chapchar Kût a hmanpui a. He hun a hmanpui zawh veleh, Delhi lamah Chapchar Kût hmanpui turin a kal leh nghal dawn a ni.