Bollywood-a hriat hlawh tak Sidharth Shukla chu September 2 (Ningani) khan lungphu chawlin a thi a, kum 40 mi a ni. 

'Bigg Boss' star Sidharth Shukla hi Zirtawpni khan Mumbai-ah vuiliam a ni a, amah uitu mi thahnem takin an thlah liam. A thih thu hian Bollywood titi a luah hneh hle a, uitu pawh a ngah hle. Bollywood superstar - Salman Khan, Akshay Kumar leh Ajay Devgn te chuan Sidharth Shukla an uina thu an sawi a, Sidharth Malhotra, Vicky Kaushal leh Sonu Sood te pawhin social media kaltlangin sunna thu an tarlang. 

Sidharth Shukla hian film thahnem tak a chang tawh a, chung zingah chuan - Broken But Beautiful 3, Balika Vadhu leh Dil Se Dil Tak te chu a langsar zual a ni. Reality show Bigg Boss 13-ah winner a ni a, Fear Factor: Khatron Ke Khiladi 7-ah a lo inlan tawh bawk. 

Savdhaan India leh India's Got Talent te pawh a lo host tawh a, 2005 khan World Best Model title lain; Asia, Latin America leh Europe atanga inlan zingah a chungnung ber a ni.