DOWNLOAD OUR APP

Read latest news on your phone
app-store
SIKKIM TUI LIAN: Thi an pung, chhanchhuah hna thawk zui zel
Oct 06, 2023

India hmarchhak, Sikkim-a tui lian thut avanga chhiatna thlenga sipai 22 tela mi 100 chuang chin hriat lohva awm zawn hna leh chhanchhuahhna chu a ni thumnaah pawh thawh chhunzawm zel a ni.


Ningani zan khan thuneitute chuan mi 19 vel thi an awm tih an puang tawh.


Tlanga dil awmna laia ruah bawhawk sur chiam avangin tui lian rapthlak tak hi a thleng a ni.


Tui a len lai hian a bul hnaia tuikhuah atangin Teesta luiah tui chhuah zui a ni a, hei hian a tilian zual ta vak a ni.


Luipui chhehvelah hian mi zawn leh chhanchhuah hna thawktu za chuang tirh an ni a, an thawk mek.


Tui lian hian mi 22,000 chuang tibuaiin Sikkim hmar lama Lachen leh Lachung-ah mi tam tak an tang bawk a. Heng lai velah hian mobile phone pawh a hman theih loh rih bawk.


“Tuna kan hriat theih chinah chuan Lachen leh Lachung-ah mi 3,000 vel an tangkhang mek,” tiin state Chief Secretary VB Pathak chuan Ningani zana thu a chhuahah a tar lang a. “Indian Army leh Air Force helicopter hmangin an zavaia thiar chhuah kan tum,” a ti.


Army-in khualzin tangkhangte leh mipuite chu ei tur leh damdawi pein mi dang biakpawh dan pawh a theih ang angin an ngaihsak.


Khaw awm danin a zir loh em avangin October 15 thleng state pumah sikul leh college khar tura tih a ni rih.


Thawhlehni zan khan ruah tam tak a sur hnuah Lhonak dil chu a luang liam tan a, hei hian Lachen Valley-a Teesta chim chin a tisang ta vak a ni.


A hnu lawkah a bula tuikhuah atangin tui chhuah a ni a, lui hi a tilian zual a. Defence thupuangtu chuan lui tui chim chin hi reilo te kar danah feet 15-20 zetin a sang hman niin a sawi.


India-a space agency, Isro, Isro chuan thlalem atanga thlalak, dil tui chim chin a tichhuak a. September 28 kha chuan tuiin a chim chin hectare 167.4 a nih laiin October 4-ah kha chuan hectare 60.3 chauh ni tawhin a luang chhuak hnem hle.


Pathak-a chuan tui lian hian thil a tichhe hnem hle tih a sawi a, in bakah kawng leh lei a chhe tam hle.


West Bengal state hmar lam pawh Teesta lian hian tibuaiin Darjeeling, Kalimpong, Cooch Behar leh Jalpaiguri district-ah an buai phah hle.


State sorkar chuan Jaipaiguri-ah lui lianin a len mortar shell puakin mi pahnih an thi a, mi parukin hliam an tuar bawk niin Zirtawpni khan a sawi.


Sikkim hi Himalaya tlang dunga awm niin tui lian leh khuarel dang chhiatna thlen tamna a ni a. Nikumah pawh khan tui lian avangin mi sang tam tak baihvaiin mi 24 vel an thi bawk.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh