Aizawl: Ministry of Home Affairs chuan IAS leh IPS Officer eng emaw zat awmna a siksawi a, Mizorama IAS hna thawk mek Dr. A.Muthamma (DC Aizawl), Dr. Arun T (DC Kolasib) leh Harlene Kaur (DC Siaha) te chu Delhi-ah sawn an ni a, hetih lai hian Delhi atangin IAS pahnih Sakshi Mittal leh SL Naveen te chu Mizorama sawn an ni ve thung.   Ministry of Home Affairs chuan IPS Officer engemaw zat awmna a siksawi bawk a, IGP (Law & Order) hna chelh mek, LS Shanliana chu Delhi ah sawn a ni a, Neeraj Thakur chu Mizoramah awm tur a tih a ni.   Anni bakah hian IPS Officer eng emaw zat chu Mizoram atanga sawn chhuah leh dahluh an ni bawk.