Mizoram MLA inthlanpui ralmuang taka neih anih theihnan Mizoram chhunga silai neitute an silai tung tura an hriattir an nih angin Zirtawpni thleng khan mi 6308 ten an tung tawh. Zalen thudawn danin Mizoram pumah license nei mi 16449 awmin heng zinga 13586 ten silai an nei a, Police ten Zirtawpni thlenga silai an enfiah tawh zat chu 96% a ni. Aizawl district bikah chuan silai license nei 7863 awmin a taka silai nei 6669 an awm a, heng zinga 2626 chuan Police station-ah an silai an tung tawh. Aizawl district bikah hian ulhbun phir silai 262, ulhbun mal 1773, rifle 380 leh pistol 211 a awm a ni.