Aizawl March 23, 2024 : Lok Sabha Election 2024 chu April 19, 2024 hian neih a ni dawn a. Hemi hun chhunga boruak muanawm tak hnuaia vote thlak leh tluang taka vote chhiar anih theih nan khapna thupek a chhuah a, silai neitu te an silai Police Station hnai berah thehlut turin a ti.

Nazuk Kumar, IAS, District Magistrate, Aizawk District, Aizawl chuan Section 144, Cr.P.C., 1973 (Act II of 1974) in thuneihna a pek angin tarlan khua leh vengte a silai neitu te chuan an silai te chu Police Station hnai berah a rang thei ang bera thehlut tura hriattirna a chhuah.

He thupek chhuah anih atanga thla hnih (2 months) chhung a huam ang a, thupek bawhchhia an awm anih chuan IPC Section 188 hmangin an chungah hremna lek a ni ang. He thupek hi Ni 21.03.2024 khan Court Seal chhu in hming a ziah hnan a ni.