June 4, 2023; Aizawl pawn lamah a ni ve tho thin ange maw? Aizawl ah chuan mi tlemte te vangin, vantlang zunin ṭawp tak tak tun thlengin a la tam reng.

Faina kawngah hma kan sawn kan inti a, fai lawmman pawh kan inpe mek reng a. Hetihlai hian Aizawl hmun tam takah, vantlang zunin ah mihring ek leh bawlhlawh dang hmuh tur a la awm a, tifaitu nih mai pawh nuam lo khawp a nih hial thin avangin, he thil hi ualau taka Aizawl hmai tibaltu a tling.

Zunna tlak loh emaw, loh theih loh vanga zun a ngaih pawh a, ip chawih chawi ngai a zunin siamtute hi mi tam an nih erawh a rinawm loh a. Hemi vang hian tan lak viau dan pawh a har riau ni pawhin a lang.

Man chawi a zun/ek theihna public toilet te erawh a thianghlim a, mumal tak a enkawl a, vawn a nih avangin awlsamna thlentu an ni thung. Heng ang hi tam zawk siam ni thei zel se, khawpui hmasawnna pawimawh tak pawh niin a lang.