May 15, 2024; CYMA hruaituten Rorel inkhawm thurel ‘Social Audit’ chungchangah Minister an kawm.

Nimin 14.5.2024(Thawhlehni) chawhnuah khan YMA Inkhawmpui lian thurel ‘Social Audit hi chak zawka kal pui a nih theihnan leh mipuiin kan hlawkpui theihnan hmalak ni rawh se” tih bawhzui tura CYMA in a din, Social Audit Committee te chuan an Chairman Roneihthanga, Treasurer hovin Food, Civil Supply & Consumer Affairs Department Minister B.Lalchhanzova chu a office ah an kawm. Inkawmhonaah hian Sub- Committee member SF David Ngursangzuala CEC leh Dr C.Lalhmanmawia CEC te an tel bawk.

Social Audit Committee hian Mizorama Central Scheme hrang hrangah a nih dan tur ang takin kalpui a ni em tih te, a chhawrtu tur ( beneficiary) ten an chanvo dik tak an dawng em tih te leh hnathawh endik kawngah sorkar thawhpui dan tur ruahman an siam te Minister hi an sawi pui.

Heng bakah hian National Food Security Act hnuaia PDS te dik tak a kalpui a nih theih nan Sawrkar thawhpui turin Central YMA chu a inhuam thu an thlen bawk.

Minister chuan Central YMA rawtna hrang hrangte chu zau zawka sawiho a nih theih nan Food Civil Suply & Consumer Affairs Dept hotute leh Official dangte nen sawihona hun buatsaih a duh thu a sawi a. A Department chan chhunga Social Audit mumal taka kal pui a duh thu a sawi bawk. Central YMA ten thil tha duh a a enkawl Department an vei pui chu thinlung taka a lawm thu leh hun remchangah Social Audit chungchangah hian Chief Minister pawh sawipui turin Central YMA hruaitute hi a lo chah bawk.