Aizawl May 11, 2023 : Information & Public Relations Minister Lalruatkima chuan, "Zo nun zemawi aia upa te zahna leh midang te tanpuina kan ramah vawn nun zel a tul, a chhelai pakhat awm hlek social media hmanga nasa taka mipui te ti ralkhel leh ti chiai zawng thehdarh a hma kan la chak lutuk erawh insiamthat kan ngai hle a ni," a ti. 

Kanan Br YMA Golden Jubilee neih tur puala Hmeithai insak hlanna inkhawm tawi tukkina neih ah bialtu MLA leh Information Minister ni bawk Lalruatkima chuan YMA chu kan ram rohlu a ni a ti. "Chhiat kan tawh te, chhungkaw harsa kan awm te, chhuancham kan awm te a, chhechhuak a tanpuitu tur YMA kan nei hi kan vannei hle a ni," a ti. Lalruatkima chuan, "Kan khawtlang dinhmun hetiang anih mek laiin, a chhelam sawi a nasa em em a hetiang hian mi nun a ti ralkhel a, mimal nun tamtak in a hruai thalo thei. Tunlaiin thalai te ah aia upa zahna, Zonun ze mawi kan neih thin chu a dal lek lek tan em aw, kan ram hmasawnna technology in min delh mek karah, kan kohhran hruaitute, khawtlang hruaitute, ram hruaitute kan awmhmun atang kan dem a, kan sai ta salh salh mai hi a pawi a, mi hmasawnna hlawhtlinna te kan inhmuhpui thiampui a tul," a ti

Lalruatkima chuan Mi thatna lai te inhmuhpui thiam a ngai a. A thalo lai ringawt thur chhuak a, atha za 99 a la awma a thalo point 1 te kan hmu tlat a, thalo ta vek, fello ta vek lam kan sawi uar hi a pawi a, kan thalaite hi an taima a, an tumruh a ni tih hi kan infuih na nise hetiang hi kan sawi tam zawk hian hmasawnna rah tha a chhuah a ni, tiin YMA ah hotu kan awmlo a, hruaitu kan ni. YMA chu tanpuin ngaite tanpui tu anih hi vawng nung zel ang u a ti bawk. 

Kanan Branch YMA Golden Jubilee lawmna tur puala Hmeithai in an sak na ah hian bialtu MLA Lalruatkima hian ama mimal sum cheng nuai 2 a thawh bakah, in bang tur Tile leh Inchung rangva tur Bandel 4 a thawh hmangin YMA leh Kanan Misitir Association ten sak hna an thawk a ni. Tukkina Hmeithai insak hlanna inkhawm hi Kanan Branch YMA vice President Manliana'n kahruaiin Pathian hnena hlanna an nei a ni.