Zanin dar 2:30 atang hian South America khawmualpui te in elna sang ber Copa America 2021 chu khelh tan a ni ve dawn ta.

Copa America-ah hian football khawvela ram hriathlawh Brazil leh Argentina ram te an awm avangin inkhel hi a nepin a rinawm loh a, chutihrual erawh chuan khawvel pang lehlama awm an nih avang erawh chuan keini lam tan chuan zan lai leh zing karah kan en thei chauh dawn a, Euro nena a in enchhawk kual vel theih dawn tihna nih chu Lockdown pawn chhuah theih loh nen football ngaina tute tan chuan tunlai chu en tur a tam khawp awm e.

Copa Americal hi a thlengtu tur an awm mai lova, South American Football Confederation (CONMEBOL) ten chawp chilh taka an ngenna ngai pawimawhin Brazil ram chuan tlawmngaiin an thleng dawn ta a ni. zanin zanlai (zing kar a ni tawh mah ang chu) dar 2:30 hian Brazil leh Venezuala te a khuhhawnnan an inkhel ang. Argentina leh Colombia ram tena inthlen tawm tura ruahman chu rokhawlhna vangin ruatlawk ram ten an thleng thei lova, Brazil chungah a tla ta a ni. Hrileng hluar chhuanlamin thla hmasa khan Colombia hi an inhnukdawk a, a hnuah Argentina pawh an inhnukdawk ve leh a ni. 

Copa America hi stadium panga Maracana, Mane Garrincha, Pantanal, Olimpico leh Nilton Santos-ah te khelh a ni ang.