Aizawl April 2, 2024 : Lunglei District huam chhunga awm, CYMA lama Khuangchera Group hnuaia awm South Khawlek Branch YMA te chuan vawin 2/4/2024) khan Golden Jubilee lawmna hun an hmang a, Pu. J.H. Zoremthanga, CEC (CYMA) chu Khuallian niin a hmanpui a, Jubilee hriat rengna monument a hawng nghal bawk.

South Khawlek Branch YMA Golden Jubilee läwm nâ hi an khaw Community Hall ah neih a ni a, South Khawlek Branch YMA dintu te chawimawina Citation an hlan bawk a ni.

South Khawlek hi YMA-ah chuan Khuangchera Group YMA huam chhunga awm a ni a, Jubilee lawmna hi Kuangchera Group Hruaitu te leh Buarpui Group YMA hruaitu ten an hman pui bawk a ni.

Golden Jubilee lawmna pual hian L. Thangmawia, Ex MLA chuan Sial talh sak in, tlai ah a lawmna ruai an kil nghal a ni.

South Khawlek hian 2023 December 28 khan an khaw Centenary an lawm a, December 29, 2023 khan an Kohhran (BCM) Centenary an lawm zui bawk.