Aizawl April 27, 2024 : Sr. Superintendent of Police, Traffic Stephen Lalrinawma, MPS chuan Mizoram State Sorkar-in thuneihna a pek angin a hnuaia mi ang hian thupek a chhuah.

PWD, National Highway Division - I te'n ni 29.4.2024 (Thawhtanni) atangin National Highway-6 Bawngkawn Lunglei Road (Aii puk) hnuai atanga Edenthar inkar kawngpui siam that hna (resurfacing) an thawh dawn avangin hna thawh hun chhung zing Dar 10:00 atanga tlai Dar 3:30 inkar kawng chanve zel khar/partial road block a ni dawn a, helai kawngpui hmangtute fimkhur tak leh hnathawkte ngaichang chunga lirthei khalh turin hriattirna leh ngenna a chhuah.

He thupek hian kawng siam that hna thawh zawh a nih hma chu a huam ang a. Hna thawh tibuai thei turin a huam chhung kawngpuiah lirthei leh bungrua engmah dah/park phal a ni lo.