Aizawl March 24, 2024 : Mizoram Legislative Assembly Speaker Lalbiakzama chuan Zirtawpni khan MLA Rasik Mohan Chakma hnenah CADC member Doymoy Daveng Chakma-a’n Chief Excutive Member leh MLA a nih kawp chungchanga a heknaah April 15, 2024 hmaa insawi fiah turin a hriattir.

Speaker-in show couse notice a pekah hian DD Chakma-a’n a hek angin The Mizoram Union Territory Legislature Members (Removal of Disqualification) Act, 1975-ah ADC-a CEM, executive member, chairman leh vice president chu MLA nih phal mah se, The Mizoram State Legislature Members (Removal of Disqualification) (Amendment) Act, 2006-in CADC-a CEM chu MLA a nih a phal loh avangin hekna ang hian dan tlawhchhana MLA atanga bân a nih loh chhan tur sawifiah turin April 15 thleng hun a pe ta tih tar lan a ni.