March 19, 2024; Session neih a piang a speaker hnung a ṭhu a, a ṭul a piang a speaker lo pui ṭhin tu Assembly Marshall ZALEN in kan be pawp, a inbuatsaih dan te kan zawt...

Assembly Marshall hi ex servicement quota niin, tun a Marshall nilai hi Lalbiakzuala (BZ-a), Aizawl Dinthar veng a khawsa niin, kum 2022 atangin Marshall hna a thawk tan.

ZALEN zawhna chhangin Marshall Bz-a chuan, budget session a hautak ber thin tih sawiin, duty tha taka a hlen theih nan in lak fit te pawh a ngai thin tih a sawi.

"A tlangpuiin session lai chuan chawhnu dar 2 atanga dar 4 inkar vel hi a harsa lai ber a ni thin a, a chhan chu mutchhuah hunlai a nih thin vang a ni," Bz-a chuan tiin, tui in dan, ei leh in leh zan mut hun thlengin session lai chuan insiamrem a ngai tih a sawi a, session hall luh dawn hma thlengin inhmakhua a ngai thin niin a sawi.

"Ka duty ka lo vei viau ni tur a ni, zan khat chu kan mu hma teh ang ka tih laiin, ka mut a chhuak thei reng reng lo mai a, mut hnem ka tum nen..." tiin budget session lai a a inbuatsaih dan fiamthu ti tak deuhin a sawi.

Assembly Marshall hi hun hmasa lamah chuan parmanent in post a awm thin a, tunah chuan kum 2 contract a ni tawh a, assembly session zawh hnuah pawh speaker personal branch ah an duty zui thin.