State of Emergency hnuaiah pawh nise, Olympic Games hi kal tlangpui a ni ang: International Olympic Committee

Admin - May 23, 2021

Duh lo te hi thu neitu ber te an ni lem lo, IOC hian a puang huai viau

International Olympic Committee vice-president John Coates chuan Tokyo khawpui-ah state of emergency puangin kalpui dawn mah se summer Olympic chu kaltlang pui tho a nih tur thu a sawi. 

Japan khawpui Tokyo hi, coronavirus hri leng vanga ram chhung a state of emergency an puan mek na district pakaw zinga pakhat a ni. May ni 31 thleng puan a ni a, boruak en a pawhsei leh zel theih a bawk. 

 John Coates chuan, "Tun hnaiah hlawhtling takin emergency karah sport chi nga kan kal pui thei a, beisei a sang rih hle. Infiammi te leh Japan mipui te him theih dan ber tura ruahmanna kalpui a nih vangin ngaihthat lohna tur a awm lova, chuvangin he infiamna kutpui hi kan neih theih  ngei a rinawm," a ti. 

Sawi zawmin,"Him taka Games kalpui a nih theihna tura World Health Organisation leh scientific lam atanga thurawn kan hmuh ang zawng zawng kan zawm kim vek a, chuvangin emergency karah pawh he infiamna hi kan kalpui thei tih a chiang a ni,” a ti. 

July ni 23-a tan tur Olympic neih leh neih loh tur chungchanga Japan mipuite ngaihdan an laknaah, mipui 70% zet te chuan Olympic Games hi neih rih loh an duh thung. 
    British Olympic Association chuan thuchhuah siamin British athletes leh staff zawng zawng te chu Tokyo an kal hmain vaccine an pek vek tur thu an sawi. 
    Emergency hnuaa awm mek Tokyo khawpuiah hian covid 19 natna ala hluar rih hle thung. Japan sorkar chuan kum upa lamah vaccine an pe mek zel a, hetihlai hian kum upa zingah 5% chiahin dose khatna chiah an la dawng thung. July ni 23 hmaa pensioner mi mtd 36 zet pe zo tur chuan hun an ngah tawh lo hle thung.

Share now