June 2, 2023; Gujarat mi mipa kum 18 leh hmeichhia kum 22 te bo zawn chhuah kawngah Bawngkawn ten tha takin an hna an hlen a, chung mi pahnihte chu nimin khan Gujarat police ten an ram-ah an hruai haw.

ZALEN thudawn danin, mibo (missing persons) ti a police record a lang, mi pahnihte hi Gujarat police atanga thu an dawn angin Bawngkawn PS team ten a zawn hna an thawk a, Gujarat police te pawh SI pakhat hoin Mizoram ah rawn kalin, nimin khan Falkland veng-ah hmuh an ni.

Nimin vek khan Gujarat police te'n chung mi pahnihte chu an lirthei rawn ken hmangin an ram lam an panpui nghal nia thudawn a ni.

An chanchin chiang taka hriat theih ni lo mah se, mi pahnihte hi Hindu leh Mosolman an ni a, sakhua inan loh vanga harsatna tawk nia hriat an ni.