March 12, 2023; Sawrkar kal ta hun laia covid avanga Mizoram sum hmuh tur kan hmuh kim loh zat chu Rs. Vbc 2370.80 a tling.

Vawiin assembly budget session zawhna leh chhanna hun a Hachhek bialtu Robert Romawia Royte zawhna chhangin finance minister Lalduhoma chuan 2019-20 ah share of taxes ah vbc. 867.39 dawn a ni tih a sawi a, 2020-21 share of taxes ah Rs. vbc. 957.41 leh 15th finance commission special grant Rs. vbc. 546, a vaiin vbc. 2370.80 dawn a ni tih a sawi.

Finance minsiter chuan covid avanga central sawrkar tanpuina Mizoram-in a dawn zat chu Rs. Vbc. 90.63 a nih thu leh hengte bakah hian NHM atangin grant engemawzat bakah, CSR hnuai-ah sum fai leh bungrua dawn finance dept. in a hriatpui loh engemawzat a awm tih a sawi bawk.

CM relief fund ah te a lut hnem a, health, NHM leh department dang a lolut te pawh a tam hle tih finance minister chuan sawi bawkin, chungte chu health lam tihchangtlunna tur vek a ni tih a sawi.