April 25, 2024; April ni 19-a Millennium Centre bul sumo MZ06-1493 ding laia bag, a chhunga wallet leh Rs. 38,000 awm rutu chu Police-ten chhuichhuakin an man.

Aizawl SP atanga thudawn danin, he sumo atanga bag rutu hi a bul CCTV-ah a lang a, mahse mask a vuah avangin hriat a ni mai lova, Police-ten chhui zui zelin Dawrpui, Electric leh Vaivakawn-a private CCTV 25 chuang atangin an chhui zui zel a, Vaivakawn Bazar-ah mask vuah lovin alo lang a, Lalthangkima (33) Lalhmangaihzuala (L) fapa, Farkawn khua, tuna Phunchawng, Aizawl-a awm mek chu Phunchawnga a chenna in atangin nimin khan man a ni.

Police hmaah inpuangin amah ngei a nih thu a sawi a, a pawisa ruk chu heroin-te, rucksack, slipper, T-Shirt leh mawhza lei nante alo hmang a, heng a thil lei te hi man sak a ni a, bag, wallet ruak leh a pawisa ruk atangin Rs. 300 chu man sak a ni.

Police-ten amah hi kawlin thu an zawt fiah mek a ni.