Aizawl April 24, 2024 : Vawiin chawhnu dar 1:30 leh dar 2:00 inkar vel khan Chalfilh Group YMA hnuaia Aizawl district huam chhunga mi Sunhluchhip-ah rial a sur a, thli a tleh bawk a, In pali chu luah tlak lovin a chhia.

Rial sur avang hian In pahnih chu luah tlak lovin a dengchhia a, In 45 vel chu ruah emaw rial emaw a sur leh anih chuan awmna chi loh tur a awm bawk niin thu dawn a ni a, heng zinga In 40 vel chu thawm that ngai ngei ngei tur niin ZALEN chuan thu a dawng bawk. Heng bakah hian Primary School leh YMA Run pawh thli leh rial-in a tihchhiat ziangah hian a tel.

Sunhluchhip YMA President Love Joy-a hnen atanga ZALEN thudawn danin, Rial sur chhung hi darkar chanve vel niin a sawi a, ruah chu a tla mang lo a, thli a na hle bawk tih a sawi.