Super Bowl 2022 neih hun tur a hriat ta

Admin - Oct 03, 2021

NBC ten an pe chhuak leh ang

Nakkuma Super Bowl neih hun tur chu puan a ni ta a, February 13, 2022 khian SoFi Stadium, Inglewood, California-ah neih a i dawn - mipuite en chak leh nghahhleh half-time show pawh a pui leh viau dawn bawk. 

Pepsi Super Bowl LVI Halftime Show-ah hian Dr. Dre, Snoop Dogg, Eminem, Mary J. Blige leh Kendrick Lamar te an che dawn a, hmaih phal chi a ni dawn lo. Tum dang ang bawkin NBC ten an pe chhuak leh ang. 

Tun hi heng zaithiam lar ber berte a huhoa an perform vawi khatna tur a ni dawn a, khawvel mit fukna tur an ni dawn. Heng artist 5 ten rimawi lama chawimawina ngaihhlut Grammy Award an lak tawh zat belhkhawm hi 43 a tling tawh a, Billboard Album chart-a No 1 kai thei album an neih zat ringawt pawh 22 zet a ni - chung mite duh tawka an che vel tur chu en chakawm tawh tak a ni. 

Share now