DOWNLOAD OUR APP

Read latest news on your phone
app-store

Super club 3 ten Super League kaltlangpui tum

Aug 01, 2021

Real Barca leh Juve

Khawvel club lian zual bik te inelna tura duan Super League chu club lian pathum Barcelona, Real Madrid leh Juventus-te chuan thuchhuah intawm siamin anlo tum lawk tawh anga kaltlang pui an tum thu an sawi nawn. 

Zirtawpni khan Madrid court chuan European football thuneitu sang Uefa leh Super League dintu club 3 te inkhinna ngaihtuahin Real, Barca leh Juve te chu  thiam a chantir a. Super League buatsaih tumtute lakah thuneihna leka hremna pe lo turin court hian Uefa hi a hriattir a ni. 

April thla khan club sawmpahnih te chuan Super League kalpui hi relin an zingah hian Chelsea, Manchester City, Arsenal, Liverpool, Tottenham, Manchester United, Atletico Madrid, AC Milan leh Inter Milan-te  pawh an tel a ni. Mahse, fans lamin dodalna nasa tak an lantir bakah  Uefa, Fifa leh domestic league hrang hrang ten an duh loh thu an auchhuah pui hnuah an din atanga darkar 72 hnu lekah club pakua zet te chu an in hnukdawk leh a ni. 

Hetihlai hian an inkhinna hi a la kal chho zel dawn a, Madrid court lamah hnehna chang mahse, Uefa duh dan angin European Court of Justice lamah thubuai hi ngaihtuah chhunzawm leh a ni ang.  Club 3 te hian an Super League project hi tih puitlin ngei an tumruh hle. 

Uefa lam chuan inhnukdawk ta te hi pound mtd 7 bawr vel theuh chawi tura an tihna leh Real, Barca leh Juve te hrem a tumna pawh Madrid court chuan Uefa chu hnuk kir turin a hriat tir bawk a ni. 

Share now