Aizawl : Mizoram Synod chuan Covid-19 hri leng mek avanga mipuiin harsatna an tawh a theih chen chen a sutkian nan, a tul apianga hman turin nimin tlai khan cheng nuai sawm Chief Minister's Relief Fund for COVID-19 ah an chhunglut.

Mizoram Synod aiaawhin Moderator Rev. Dr. C. Lalhlira chuan Addl. Chief Secretary  JC Ramthanga hnenah CM Relief Fund a sum chhunluh tur hi a hlan a. Synod puipate nen an inkawm naah Addl. Chief Secretary chuan an thilpek avangin lawmthu a sawi a, tangkai taka hman a nih ngei tur thu a sawi.

Synod pupate chuan nikum lamah theih-tawp chhuah a mipuiin dan zawma an fimkhur avangin state dang khai-khinin Mizoram dinhmun a that phah ni a a lan thu sawiin, kumin hrileng thawh hnih naah pawh mi tupawh in an theih chen chen a an fimkhur tlan vek chuan nasa takin awmzia a neih phah ngei an rin thu an sawi a. 

Synod hruaitute hian sawrkarin theihtawp a chhuahna chungah lawmthu an sawi bawk.