T-Series neitu lakah thubuai thehlut

Admin - Jul 18, 2021

2017-2020 inkar chhung khan mipat hmeichhiatna lam hawia a chetpui thin?

YouTube khawvela langsar leh thil tithei ber zinga mi T-Series neitu Bhushan Kumar chuan jail bang a zut mai thei - a lakah pawngsual thubuai an thehlut tlat mai. 

Thubuai thehluttu chuan T-Series managing director hian film-a inlan tura tiamin a pawngsual zui ta niin a sawi. Pawngsual tawktu hi tunge tih tarlan a ni lo a, kum 30 mi Andheri, Maharashtra-a cheng a ni. Police officer chuan pawngsual tawk nia insawi hian Kumar nen hian August 2017 atanga inhria an nih thu leh, 2017-2020 inkar chhung khan mipat hmeichhiatna lam hawia a chetpui thin thu a sawi tih a tarlang. 

Kum 43 mi Bhushan Kumar lakah hian Indian Penal Code (IPC) sections 376 (rape) , 420 (cheating) leh 506 (criminal intimidation) case ziah luh a ni a, thiam loh a chang a nih chuan a ko a rit hle dawn a ni. Hriat tel atana tha erawh chu - milarte hian hetiang kawnga puhna hi an tawk fo thin a, a puhtute hian sum leh pai an duh vang te leh lar an duh vangte a ni fo. 

Bhushan Kumar pawh hian hetiang thil hi a tawn vawi khatna a ni tawh lo, a hma pawhin hmeichha pakhat chuan hetiang thilah hian a lo puh hming chhe tawh a ni.  
T-Series hi YouTube-ah chuan khawvela hriat hlawh berte zinga mi a ni a, subscriber pawh maktaduai 188 zet an nei a ni. 

Share now