Aizawl: Rural Development Minister Lalruatkima chuan, "Taekwondo Academy hi sawiin zo nun zemawi, nu leh pa leh aia upa zahthiamna leh mahni inthununna te zir chhuahna hmun a ni tel a ni," a ti.

Mizoram Amateur Taekwondo Association buatsaih World Taekwondo Black Belt Awarding Ceremony nimina Mizoram Rural Bank Conference Hall, Mineco Khatla-a neih a hmanpuina ah he thu hi sawiin Rural Development Minister Lalruatkima chuan Black belt kalkhawmte hnenah chuan an tumruhna tipuitling turin huaisenna nei turin a fuih a, Olympic level thleng thei tura hmasawn chho zel turin duhsakna hlan nghalin Mizoram timawitu an ni tih inhria a, India ram pawnah par chhuak thei tura tanla turin a fuih bawk.

Khuallian Minister Lalruatkima hian mi 42 hnenah blackbelt hi a hlan a ni.

Mizoram Amateur Taekwondo Association hi November 19, 1987 khan din tan niin Mizoram pawn leh khawvel huapin lawmman thahnem tak an la tawh a. Tuna black belt hmu thar te nen hian MATA chuan black belt 316 a nei tawh a ni