ZALEN, October 30, 2025: Thawhlehnia kum 25 tling, Youth Icon 2024 Lalsangliana (Taitea) piancham lawm leh hemi puala mi dang tanpuiin a fan-te an che chhuak nasa hle a, heng atana an sum hman ral zawng zawng hi cheng nuai 4 vel a tling. 

Taitea Birthday Organising Committee atanga ZALEN thudawn danin a piancham pual hian Civil Hospital, Aizawl Poor Fund leh Operation Kingdon Ministry (OKM) Home-ah tanpuina an pe a, naupang cancer vei zai hmabak kan nan pawisa fai leh thil dang an pe bawk.

A piancham lawmna pawh zanah Saizahawla Arcade, City Sky Hall, Tanhril, Aizawlah a fan-te thovin huaihawtin Aizawl bakah district hrang hrang atangin fan 300 chuang an tel a. LPS Youth Icon 2024 Top 10-te pawhin an tawiawm nghe nghe.

Taitea piancham pual hian a fan group pakhat, ‘Chhawkhlei Team’ chuan an khua, Bawktlangah khawtlang huapin ruai an buatsaihsak bawk.