ZALEN, December 21, 2025: Youth Icon 2024 Lalsangliana (Taitea) chuan a thianpa, J.Lalrosanga (Rsa) te chhungkuain an khua, Tuidama ‘Pathian Fate In’ tia nun kawng dai sualte enkawlna hmun an siam hnenah Krismas thilpek Rs. 20,000 a hlan.

Pathian Fate In hi ruihhlo avanga buai, tisa leh thlaraua tanpui ngaite leh mamawhtu apiangte enkawlna hmun atana Youth Icon Top 5 Rsa leh a chhungten an khuaa an din a ni a, June 7, 2025 khan Lt. Col. Lalliankunga’n a hawng a ni.

A thianpain an home tana Krismas thilpek a hlan hi Rsa pawhin social media-ah a lawmzia a tar lang nghe nghe.

Bawktlang tlangval, Taitea hian Inrinni khan Aizawl khawpui chhung veng hrang hranga mi harsa zual deuhte eng emaw zat hnenah an inah kalin Krismas thilpek a hlan bawk.