ZALEN December 10, 2023 : Tun hnaia jail atanga tlanchhuak hmeichhe palite chu man an la ni lo a, ngawrh taka zawn mek zel an ni.

November 30, 2023 zing dar 1 leh dar 2 inkar vel khan Central Women Jail, Aizawl atangin hmeichhe pathum - Niengboi (33) d/o VT Kamboi, Churanchanpur, Lalruatsangi (28) d/o Vungkhansuan, Thuampui, Aizawl, Lalchhanmawii (42) d/o Lalvunga, Tuirial te an tlanchhuak a. Man leh vat an nih theih nan anmahni lo hmu emaw, an awmna chin hria emaw chuan a rang thei ang bera Zonuam Police Outpost Ph No. 8794747295-ah emaw, police station/outpost hnai berah report vat tur a ni.

Heng hmeichhe pathumte bakah hian December 6, 2023 khan Champhai District jail-a tang, Chingsianliani, Hnahlan khua chu a tlanchhuak bawk a. Chingsianliani hi Champhai District Court atangin a tlanchhuak a, court-a a inlan zo jail tang motor-a an dah luh dawnin a tlanchhuak a, a tlanchhuak tih hriat a ni mai lo a, an hriat ve leh zawng nghal mah se, vawiin thlengin man a la ni lo a ni.