Aizawl: Mizoram sawrkar a Taxation department chuan kum liam ta 2021-22 chhung khan chhiah chi hrang hrang Rs. 8,34,61,77,548 a hmu a, kum 2021-22 chhung a sawrkarin Taxation department sum hmuh zat tur a bituk (target) chu Rs. 1,84,61,77,548 in an khum.

Kum 2021-22 budget ah Mizoramin chhiah atanga sum hmuh a beisei chu cheng vbc. 719.56 a ni a, chung zinga vbc. 650 chu Taxation department lak luh tura ruahman a ni. 2022-23 ah chhiah atanga kan sum lak luh, state’s own tax atanga hmuh beisei zat chu cheng vbc. 801.30 a ni a, chu chu 2021-22 a hmuh beisei vbc. 719.56 atanga tehin 11.36%-in a pung.

2020-21 ah khan chhiah hmuh tura Taxation department in a ruahman zat chu cheng vbc 600 niin, hmuh zawng zawng Rs. 6,77,83,53,824 a ni a, target khumna Rs.77,83,53,824 a tling. Kum 2019-20 chhung khan Rs.6,67,28,72,503 an lo hmu tawh bawk.

Taxation department tarlan danin, 2005-2006 ah chhiah Rs. 45,95,99,733 (vbc. 45.95) a nih laiin, 2021-22 a chhiah hmuh erawh cheng vbc. 834.61 a tling tawh a, 2021-22 chu chhiah hmuh tam ber kum a nih bakah, target khum san ber kum a ni.

Tarlan tawh thin angin, Taxation department chuan chhiah lak kawngah a theih ang angin tan an la a, tax return file lote reminder pein, office lamah pawh an puih bakah, tax return file lo te an dapchhuak thin.

Chhiah hmuh dan: 2021-22
Thla                 Hmuh zat 
April                93,04,70,699
May                32,94,31,107
June               75,71,16,919 
July                 69,92,59,252
August           79,11,42,421
September     52,71,92,126
October         85,16,20,448
November      66,00,86,595
December      57,14,66,796
January          61,26,67,285
February        69,07,27,930
March            92,49,95,970
TOTAL            8,34,61,77,548