Aizawl March 17, 2024 : Taxation department-in kum kal mek, 2023-24 a target an neih zat chu Rs. vbc. 1,098.50 niin, tun thlenga an hmuh tawh zat chu Rs. 10,26,23,99,387 (vbc. 1,026.23) a tling a, chu chu za zela 93.42 a ni.

Mizorama sawrkara taxation department hian chhiah chi hrang hrang - GST, profession tax, sales tax, entertainment tax leh thil dang atangin chhiah a la thin a, chhiah hmuhna pui ber chu GST atangin a ni.

Kum kal mek, 2023-24, February, 2024 thlenga GST atanga chhiah hmuh tawh zat chu Rs. 8,86,01,51,286 a tling.

Taxation department-in kumin kum tira target a neih zat chu Rs. vbc. 1,000 niin, hei hi an tlin tawh a, target an neih hi tihsan (revise esctimate) niin, Rs. vbc. 1,098.50 target pek an ni a. Target (RE) an neih hi March thla chhiah la hmuh tur nen an tlin theih ngei rin a ni.

Kum kal mek chhunga chhiah an hmuh tam ber thla chu April, 2023 niin he mi thla hian chhiah Rs. 1,34,78,34,419 an hmu tling a, an hmuh tlem ber thla, November, 2023-ah Rs. 63,53,71,252 an hmu.

Taxation department hi May 20, 1988 khan Excise Department atanga indangin sawrkar tan vawiin ni thlengin revenue la luttu department pawimawh ber a ni.

Taxation department hi commissioner of state tax kaihruaihna hnuaiah zone 14 a then a ni a. Aizawl district-ah zone pali awmin, district dangah zone pakhat theuh a awm a. District thar pathum, Hnahthial, Khawzawl Ieh Saitual-ah te zone thar siam a ni tawh bawk.

2023-24 chhiah hmuhna :

GST - 8,86,01,51,286

Profession tax - 15,09,75,814

Sales tax - 1,25,10,48,067

Entertainment Tax - 30,000

Others - 1,94,220

TOTAL - 10,26,23,99,387