July 8, 2022;  Taxation department chuan kumin 2022-23 (April - June) chhungin Rs. 2,63,94,07,847 chhiah a hmu tawh a, kum kal mek a chhiah hmuh beisei zat (target) chu Rs. vbc. 801.3 a ni.

Kum kal mek ah April khan chhiah chi hrang hrang Rs. 90,46,82,225 hmuh niin, May ah Rs. 93,45,38,881 leh June ah Rs. 80,00,86,741 hmuh a ni. Chhiah hmuhna tam ber chu GST niin, chumi atanga kumin thla 3 chhunga hmuh chu Rs. 2,34,05,37,594 a tling a, profession tax atangin Rs. 1,90,36,432, sales tax atangin Rs. 27,96,66,595, entertainment tax atangin Rs. 88,876 leh thil dang atangin Rs. 78,350 hmuh a ni bawk.

Taxation department chu kum tin sawrkarin tax revenue lakkhawm zat tur a bituk sak thin a. Kum liam ta 2021-22 chhung khan chhiah khawn tur a bituk zat chu Rs. vbc. 717.13 a ni a, an target chu Rs. vbc.177.71 a khumin, an chhiah khawn zawng zawng tling khawm Rs. vbc. 894.74 a ni. 

An thanna chu za zelah 32 a ni a, GST hman hnuah kum 5 chhunga an thanna chu khaikhawmin 23.8% a ni a. Kum 10 kaltaa an revenue collection atanga teh chuan kum kaltaa an collection hi 384% in a tam zawk.

Chhiah hmuh dan : 2022-23
Thla    Hmuh zat
April   Rs. 90,46,82,225
May    Rs. 93,46,38,881
June   Rs. 80,00,86,741
Total   Rs 2,63,94,07,847