Taylor Swift chuan a hla record thar leh dah khawmna 'Red' album chu November 12-ah tihchhuah a nih tur thu a tarlang. 

'Red' (Taylor Version) hi a tirah chuan November 19-a tihchhuah tura ruahman niin, mahse kar khatin an sawn hma leh ta a ni. 

Red album hi 2012 khan tihchhuah a ni a, mahse a hlate hi hralh sak niin recording hi a tih tha leh ta ringawt a ni. 

Album chhuah hun tur sawn hma chungchang hi Taylor Swift hian Twitter lamah a tarlang a, fan te pawh dawh thei taka lo nghawk turin a chah a ni. 

'Red' (Taylor Version)-ah hian hla 30 vel a awm dawn a, Swift hian thawhpui a nei nual - Ed Sheeran, Snow Patrol star Gary Lightbody, Phoebe Bridgers leh Chris Stapleton te chu a thawhpui a ni. Swift hian kum tir lam khan 'Fearless (Taylor Version) a lo tichhuak tawh bawk a ni.