American singer Taylor Swift chuan Zirtawpni zan khan 'Wildest Dreams' a record that leh chu a tlangzarh.  

Swift hian 2014 kha '1989' album a tichhuak a, chu albuma hla pakhat chu 'Wildest Dreams' hi a ni. He hla hi recording a tithar leh a, sawi lawk loin a audio chu a tlangzarh leh ta a ni. 'Wildest Dreams' hi TikTok lamah a lar hle a, record thar a rawn chhuak leh pawh hian ngaihven a hlawh zual - an release tirh pawh khan Billboard Hot 100-ah No. 5 a lo kai tawh bawk. 

Taylor Swift hian a album-a hl;a thahnem tak chu recording a ti tha leh a, tun hnai khan eng emaw zat chu a lo tlangzarh tawh. Tunah hian'1989' album-a a hlate chu a record leh mek a, hun rei loteah ngaihthlak tur a awm thuai dawn. 

A album hmasa te kha hralh sak a ni a, hei vang hian a bul atangin a ma pualin a buaipui leh mek a ni.