Rilru hahna hi a tawrhchhuah theih! |halaite u, in rilru hahna kha intuarchhuak thei tih hi kan hriatpui che u, in kawngzawh lai aia \ha zawk nunna kawng, vanram kawng zawh tuma in rilru insiam mek laiin hmelma pain nasa takin in rilru tihbeidawn a khawvelah hian dam ve tlak lo leh dam aia thih thlang zawk tura bum tum che uin, thih aia dam \hat zawkzia ngaihtuah hman lo turin a tibuai \hin che u a, in chhiatna tura in rilrua thusawitu kha in hmelma a ni a, in hneh thei! In huaisenin in tuarchhel a, in hrehawmna kha in tuarchhuak thei! I sual i sim vanga i tawrhna kha Lalpa’n i tawrh a phala vui thei i ni lo tih inhria la, tuar \ang \ang la, i tuar chhuak thei lutuk! Beidawng reng reng suh, I rilrua “I rilru a hah sia, intihlum daih rawh” tih thu lo awm kha i hmelma thusawi a nih kha awih reng reng suh! Khatiang rilru a lo luh veleh khan “Ka rilru hahna hi ka thih chuan ka siam \ha thei dawn si lova, ka tuar hram hram anga ka tuar chhuak dawn” tiin i rilru tikhauh tlat la, i tuar chhuak em em ang. I thei lutuk, i theilo titu kha i hmelma a nih kha, i rilru hahna kha a tawrhchhuah theih! Dam la, i tuar chhuak ang! Mi dawihzepte chauh hian a ni mahni intihhlum tum \hin! Nang chu i huaisen a, harsatna hneh thei i nih kha! I chhungte tihlimtu tur leh thlamuantu tura piang i nih kha, i hlu lutuk i hlutzia tilang zual zel turin dam a ngai, thi suh! Pathianin i hun tawp a ruat hma chuan khawvelah hian i \angkaia khawvel leh i chhungte tan hlutna i neih avangin Pathianin a damtir che a nih kha, lawm em emin dam takin awm reng rawh. Nu leh paten mawhphurhna kan nei : Kelkang a\anga Thlarau Thianghlim harhna zarah \halaiten nun kawng \ha zawk, vanram kawng zawh tumin rilru an siam mek a, \halaiten an sual sim a, Lalpa lam an hawi hi Setana hian a hlau lutuk a, a kawtawpah \an a khawh a, \halaite tihbeidawna intihhlumtir a tum ngar ngar a; chuvangin, nu leh pate hian mawhphurhna kan nei nasa lutuk, tuman hau lo ila beiseina nung nei turin \anpui ang u, nu leh pa, nun kawng \ha lo zawh kan awm a nih chuan insiam \ha vek ang u, kan \halaite hi setana lak a\angin i chhan ang u. Sihal û leh ramsa hram dan hmangin ralkhel dar min vuak khum mek! Kan \henawmte muthilh hlanin an in kang ta sela, kan hmuh hmasak chuan kan hrilh ngei ngei ang, kan hrilh lohva an kanghlum a nih chuan mawh kan phur ngei dawn a ni. Chutiang chiah chuan mi tam tak thlarau lamah an muhil mek a, an muthilh mek laiin hremhmun meiin a kang \an mek a, an dinhmun hlauhawmzia mihring \awng pangngaia hrilhin an hre thei si lo va, Lalpa hmangaihna chuan an dinhmun an hriat theih nan ramsa hram dan hmangin ralkhel dar a vaw ta a, Sihal û, Ui bauh leh Zawhte ngiau hmangin koh harh a tum ta a, nula tlangval naupang thlengin a autir ta a nih hi. Ramsa hram anga hram vak vak hi an zak lutuk! mi tam tak Setana bumna avanga an inawhhluma, hremhmun meiin a kan ral ai chuan tiin zak chung chungin an û a, an bauh ta a nih hi hei hi setana’n a hlau em em a, tihbuai a tum ngar ngar a nih hi. Khawlaia hnehna puanga ring taka an au hian kan Pathian hi a beng a chheta ring taka biak a ngai tihna a ni lo, inpeih loten an dinhmun hlauhawmzia an hriat theih loh nan Setana’n khawvel hi a ti bengchheng nasa zual sauh si a, chuvangin thima \hu te’n an dinhmun hlauhawmzia an hriat theih nan ring takin au a ngai ta a nih hi. Thlarau chaw \ha pe turin kohhran a \an a ngai: Kan \halai thlarau thianghlim harhna chang thar, thlarauva bul \an te hian an harhna chan hi tisa a an zawh palh chuan kan ram hian kan chhiatpui nasa dawn si a, kan \anpui loh chuan Setana’n beidawnna hmangin a bei anga, an intihlum leh mai ang, an thlarau chan hi timit lova ti alh zual zel turin kohhran hi a \an a ngai, thlarau chaw \ha pek an ngai. Thlarau chaw \ha pekna \ha ber chu inkhawm buatsaih tam a, Pathian thu hrilh tam hi a ni, Pathian thu hrilh tam an ngaih rualin an dawn sawi chhuahna hun siamsak an mamawh! Harhna chang tharte hi Kohhran inthlahdah vanga beidawnna khura an luh palh chuan a pawi dawn em asin! An mamawh lai taka thlarau chaw pek a ngai: Thlarau thianghlima harhtharna chang mek \halaite hi an \han puitlin nan tun hi thlarau chaw \ha pek hun a ni, kohhran hi a chet muan lutuk chuan thlarauva an ril\amna a reh hman palh thei, thlarau chaw an ei chak tawh loh hnuah pek a tum leh si chuan ei duh lovin an kalsan mai mai tawh ang, chutih hunah chuan Kohhran hian mittui nen eitir tum ngial mah sela Ui puar koh ang chauh an ni tawh ang, tun hi thlarau chaw an mamawh lai, an ei duh hunlai a ni e. Kan chawm puitlin theih nan an thlarau chan hi kan pawm phawt tur a ni, an zingah kalin an zawh tur kawng kan hrilh ang, an zawh tur kawng khawhmuh si lova, “An nunah hmuh tur a awm lo, an kal sual ngei ngei ang,” tia hmuhnawm thlira kan thlir mai mai chuan rorelna niah an thiam thu an la sawi ve ang. Harhna chang thar mekte hi Lalpa’n a rawngbawl hna thawk tura a buatsaih mekte an nih hi Kohhran hian a ngaihthah thiang lo ve! An rah lawh kan tum hma lutuk em! Thlai chi kan tuh rualin a rah lawh nghal kan tum ngai lo, lei\ha leh tuia kan chawma, a ei chhe thei rannung laka kan venhim hnuah rah \ha lawh tur a awm chauh ang hian \halaite nunah thlarau chi tuhin a awm chauh va, a rah lawh tur a la awm lo, thlarau lei\ha leh tuia kan chawma, a ei chhe thei laka kan venhim hnuah harhna chang thar mekte nunah hian rah puitling lawh kan tum chauh tur a ni, chawm puitlin phawt an ngai, an rah lawh kan tum hma lutuk chuan kan tibeidawng ang a, Setana’n a châng reng si a, a um hlum palh ang e.