Thangmawia’n Mizo sipaite tlawh

Admin - Oct 10, 2021

Mizo 3rd IR Battalion Headquarters, Mangaldoi, Assam-ah

Aizawl: Human Resources Development Board Vice Chairman L.Thangmawia MLA chuan Zirtawpni khan Mizo 3rd IR Battalion Headquarters, Mangaldoi, Assam a tlawh. MLA hi 3rd IR Battalion Commandant B.Laldikpuia MPS chuian lo dawngsawngin, sipaite dinhmun leh 3rd IR sipaite hnathawh dan te a lo hrilh a ni.

Mizo sipaite hian an duty piahlam ah an awmna chhehvel mite tan voluntary service chi hrang hrang an kalpui thin a, 3rd IR Assam a an awm atang hian Rs. vbc 1.5 chuang helai mite tanpuina atan anmahni sum sengin an luangchhuak tawh a ni. 3rd IR Battalion Commandant hian Mizo sipaite leh an awmna khawtual mi ten inlaichinna an neih that thu leh District Administration lam te pawh in an ngaihsak thu MLA hi a hrilh.

MLA hian Mangaldoi-a Mizo sipaite midang tana an luangchhuak thin leh miharsa te an lo tanpui thin chu lawmawm atih thu sawiin, hmalam hunah pawh chhunzawm zel turin a chah a. Sipai ten Games and Sports tournament an neihna atan Rs.10,000/- a hlan a ni.

Share now