Zoe Roth-i hi hmeichhe naupang a ni a, tu hriat mah hlawh ngai lo tur a ni hial ang; mahse, internet khawvela mi fiamthu thawhna (meme)-a thlalak lar ber zinga mi a ni.

Kum 2005 daih tawh khan, Roth-i pawh kum li mi chauh a nih laiin, Inrinni tuk khat chu an thenawm maia in kang enin an chhungkuain an kal a. Hetih lai hian kangthelh pawlin thelh tumin an lo bei mek a, anni chhung bakah mi dangte pawhin an en teuh bawk.

Hetih lai hian a pa, thla la ve thin satliah tak chuan hnung lam hawi turin a ti a, thlalaksak turin a ti a, nui turin a ti bawk a. Roth-i chu a nui a, thlalak pangngai tak a ni a; mahse, tunah chuan ‘Disaster Girl’ tih a ni ta.

A pa, Dave chu kum 2007 khan thlalak entirsiakah telin lawmman pakhatna a la a, a fanu thlalak hi heta tang hian darhin a mitmeng siam danglamin, khawvela chhiatna hrang hrang thleng thlir lai nen dah kawpin fiamthu leh mi kahna atan tun thlengin hman a ni ta a ni.

Kum 10 chuang a liam hnuah pawh a thlalak hi a lar zel a, Roth hian a thlalak hi tun hnai lawk khan a hralh ta nghe nghe a, a ogiginal copy phei chu tun hnai khan $5,00,000 dawnin a hralh ta nghe nghe.