DOWNLOAD OUR APP

Read latest news on your phone
app-store

‘The Voice’ coach thar tur Camila Cabello 

May 17, 2022

American singer leh songwriter ni bawk Camila Cabello chu ‘The Voice’ coach atan lakluh a ni dawn. Hemi chungchangah hian The Voice chuan Twitter kaltlangin Camila lawmna thu an tarlang a, coach pali - Gwen Stefani, Blake Shelton, John Legend leh a thar ber Camila Cabello te an mention bawk. 

American singer leh songwriter ni bawk Camila Cabello chu ‘The Voice’ coach atan lakluh a ni dawn. Hemi chungchangah hian The Voice chuan Twitter kaltlangin Camila lawmna thu an tarlang a, coach pali - Gwen Stefani, Blake Shelton, John Legend leh a thar ber Camila Cabello te an mention bawk. 

'Havana' singer hian NBC reality singing competition series-a a inlan tur hi TikTok kaltlangin a lo tarlang zuai tawh a, coach a nih tur thu puan a ni zui ta a ni. The Voice season thar tur hi season 22-na tur a ni tawh dawn a, Kelly Clarkson leh Ariana Grande ten an chhuahsan tawh thung. Hetih lai hian Blake Shelton erawh a la rinawm zui zel dawn a, Gwen Stefani, John Legend leh Camila Cabello te nen an paliin contestant te an hrual leh dawn a ni. 

The Voice hi kum 2011 atang khan neih tan a ni a, milar thahnem tak an cher chhuak tawh. Season 22 hi engtik hunah nge neih tan a nih dawn tarlan a la ni lo thung. 

Share now