Khawmpui tiak Presbyterian Kohhran Hmeichhe Inkhawmpui Lian vawi 47-na, March 10-12, 2017 inkara Serchhip a neih chu Pathianni zan khan a tiak. MPF meeting Ni 13.3.2017 (Thawhtanni) khan Synod Conference Centre-ah Mizoram People Forum (MPF) chuan meeting neiin kum 2018 MLA inthlanpuiah boruak muanawm, thianghlim leh zangkhai siam tura hmalak dan tur an sawiho. Holi Ni 13.3.2017 (Thawhtanni) kha Hindu kut pawimawh Holi (rawng intheh kût) a ni a, India ram pumah lawm niin, Mizorama Hindu-te pawhin hlim takin an lawm a, Hindu ni lote pawhin an hmanpui bawk. Holi pual hian Gover­nor Lt. Gen. Nirbhay Sharma chuan thuchah a tichhuak a, "Holi hi mi zawng zawngin sakhua, chi leh hnam sawi loa hlim taka an lawm ?hin a ni a, mi dangte hmangaihna lan chhuahtirna hun a ni," tiin, ram mipuite chu mi dangte hmangaihna kawnga hmasawn zel turin a chah. Session tan Ni 14.3.2017 (Thawhlehni) chawhma dar 10:30 atang khan Mizoram Legislative- Assembly 7-na, thutkhawm vawi 12-na (Budget Session) tan ani a, Mizoram larsap Lt.Gen. Nirbhay Sharma chuan House ah sorkar hmalakna leh mipuite hmasawnna atana hnathawh te a tarlang. Fair Hnam Chhantu Pawl buatsaih 'Spring Fair 2017' ni li chhung awh tur chu 14.3.2017 (Thawhlehni) chhun dar 12 khan Aizawl Vanapa hall-ah, Planning Secretary Dr. C.Vanlaramsanga'n a hawng. Lohal hun State Level Fire Prevention Committee chuan kumin a ruah sur hma lutukin a bumro avanga sawrkar in Lo hal zawh hman hun tura a tuk March ni 15 thlenga Lo hal hmanlo te ngaihhnathiam an nih tur a sawi a, March thla chhung ngeia hal turin a hriattir. Pawm Mizoram Legislative Assembly Budget Session ni 15.3.2017 (Nilaini) a neih chuan sesion tanni a Governor-in sawrkar hmalakna hrang hranga sawi a lawmthu sawina motion chu house in lungrual takin an pawm. MLA sun Ni 15.3.2017 (Nilaini) a session ah MLA pathum Zosiama Pachuau, C.Lalruata leh Tamil Nadu CM hlui J.Jayalalitha Jayaram te sunna hun hman a ni. Zirho Zoram Research Foundation chuan ni 15.3.2017 (Nilaini) khan Information & Public Relations Department Conference Hall, Treasury Square, Aizawlah Perspective on Mizoram Gross State Domestic Product (GSDP) tih thupuia hmangin Symposium-a buatsaih. Chanchitha Ni March ni 15,2017 (Nilaini) kha Mizoram a Chanchintha thlen ni a ni a, Mizoram Presbyterian Kohhran chuan he Ni pual hian zan lamah hun an hmang a, thupui atan 'Chanchintha hril turin Pathianin min ko' tih hman a ni. Consumer day Ni 15.3.2017 (Nilaini) kha 'World Consumer Rights Day' a ni a, Mizoram Consumer Union (MCU) leh Govt. Aizawl College Consumer Club te chuan Govt. Aizawl College-ah he hi hi an hmang. Zirho Mizoram State Sports Council leh National Anti Doping Agency (NADA)-te tangkawp chuan ni 15.3.2017 (Nilaini) khan Ramhlun Indoor Stadium-ah 'Anti-doping awareness in sports' tih thupui zirhona an buatsaih. Budget Ni 16.3.2017 (Ningani) khan Finance Miniser Lalsawta chuan kum 2017-2018 atana Mizoram sorkar sum ruahman cheng vbc. 8803.10 chu House ah a pharh.