Hmanpui Ni 19.11.2018 (Thawhtanni) khan Central Agriculture University, Imphal hnuaia College 12-te intawhkhawmna, ni thum awh tur 5th Inter-collegiate Youth Festival, 2018 chu Auditorium, College of Veterinary Science & Animal Husbandry (CVS & AH) ah hawn a ni a, Governor Kummanam Rajasekharan chuan khuallian niin a hmanpui a ni. Roll hal Lunglei District NGO Coordination Committee chuan Thawhtanni chawhma dar 10 khan tihdan phung pangngai pela Bru voters 204 thunna Lunglei District Second Supplementary Electoral Roll chu Lunglei DC, District Election Officer ni bawk office tualah an hal. Postal ballot Mizoram Legislative Assembly General Election 2018 atan Thawhtanni atang khan sawrkar hnathawk Election duty-a chhuak turten Postal Ballot hmangin Government Mizo Higher Secondary School Badminton Hall-ah vote an thlak tan. Leiverh Oil India Limited Company chuan Mizoram chhungah Oil & Gas Exploration Drilling hna chu ni 15.11.2018 khan Phulmawi khaw dai (Tlungvel khaw bul)-ah leiverh hna an tan leh. Lo zin All India Congress Committee Rahul Gandhi leh BJP National President Amit Shah chuan Thawhlehni khan lehlanin Mizoram an rawn tlawh. CEO-in enfiah Mizoram Chief Electoral Officer Ashish Kundra chuan Thawhlehni khan Kanhmun khuaa Temporary Polling Station 15 hmun turte leh temporary polling station sak mekte a enfiah. Sum bo MNF Legal Board chuan Thawhlehni kalta khan Aizawl Press Club-ah chanchinbumite an kawm a, “Congress Sorkar, Law & Judicial Department a sum cheng vaibelchhe tel tihbo leh a awmna chin hriat loh hi inthlan hma ngeia Mizoram mipui min hrilh turin kan phut a ni,” an ti. FIR thehlut Zoram People’s Movement (ZPM) chuan an Chief Ministerial Candidate Pu Lalduhoma thlalak leh BJP Symbol leh serthlum rawng nena MNF Party-in Booklet an siam nia sawi, BJP leh ZPM thawkho anga mipuiin an ngaih theihna tur thuziak eng eng emaw te nena tarlanna, MNF Party Campaigner leh worker ten an thehdarh nia an puh chungchangah Thawhlehni khan Aizawl Police Station-ah FIR an thehlut. Tlawh Ni 20.11.2018 (Thawhlehni) khan Governor Kummanam Rajasekharan chuan Tuikual Vengah Salvation Army enkawl, Nau Hnucham Run (Motherless Babies’ Home) a tlawh. Jubilee Kum 1968 atanga mei mit lova Khawzawl khaw kum 50 din champha vawi 50-na, Golden Jubilee lawmna, ni 2 awh tur chu Thawhlehni atang khan Khawzawl Field No. 1, Zuchhip vengah neih tan a ni. Tlangzarh Ni 20.11.2018 (Thawhlehni) khan BJP Mizoram Office ah BJP Vision Document/Manifesto chu BJP National GS Ram Madhav in a tlangzarh. Jt. CEO sawn Mizoram sawrkar Election department-a Joint Chief Electoral Officer hna chelh mek Zorammuana chu DP&AR (CSW)-ah sawn a ni a, sawnna order hi Nov. 20 khan tihchhuah a ni. Meeting Mizoram CEO Ashsish Kundra, IAS chuan Nilaini khan political party zawng zawng aiawhte kokhawmin State Media Centre, Secretariat Annex-I Building-ah meeting a neihpui. Hmanpui Nilaini khan AR Ground-ah Mount Carmel School 31st Annual Sports Function 2018 buatsaih a ni a, Mizoram Governor Kummanam Rajasekharan chu khuallian niin he hun hi a hmanpui. Cong. dem Home Minister hlui leh Tawi biala MNF candidate R.Lalzirliana chuan Nilaini khan Press mite a kawm a, “Kum 10 liamtaa Sakhaw puithiam thihna hmanga Congress in Politics an khel hi a zahthlak ka ti a, a pawi pawh kan ti hle a ni,” a ti. Sawipui Ningani khan Governor Kummanam Rajasekharan chuan State Archive Office, Babutlanga mi chu a tlawh a. Art & Culture official te kawmin mumal zawka Records leh Documents thehluh a nih theih dan tur te leh Sawrkar Pisa ten Archive awmzia an hriat a pawimawhnate a sawipui. Meeting Ni 22.11.2018 (Ningani) chawhnu dar 1 khan NGO Co-Ordination Committee meeting chu Central YMA Office -ah neih ani a, November 28 a Mizoram MLA thlanna kan neih tur atana an hmalak dante an thlirho.