Tanrual ngai Rajya Sabha MP Ronald Sapa Tlau chuan Thawhtanni khan a chenna inah press mite a kawm a, CAB chungchang sawiin, “Citizenship Amendment Bill 2016 pass anih loh nan Mizo mipuite party dahtha tanrual a tul a, Mizorama sawrkarna chelh mek tu MNF pawh hi NDA atanga an inhnuhdawh a ngai a ni,” a ti. Office hawng Thawhlehni khan ZPM chuan 2019 atana Office hawnna leh Pathian hnen a inhlantharna an nei a, he hunah hian Wake-Up Ministry chuan ZPM MLA 7 te lawmpuina certificate hlanna an nei ve bawk. Sawipui Chief Minister Zoramthanga chuan Thawhlehni khan Prime Minister Narendra Modi a hmu a, Citizenship (Amendment) Bill 2016 chu MNF sorkar leh Mizoram mipuiten an duh loh thute, Mau/Bamboo Project chungvhanga hmalak a duh dan te, Mizoram tana All India Service Cadre hrang neih chungchangte, Jet Airways in Feb. ni 10 atanga an flight tihtawp an tum chungchanga Central sorkarin hma a lak a tul thute leh thil pawimawh dang a sawipui. Thlen Tourism Minister Robert Romawia Royte chuan Thawhtanni khan Yogendra Tripathi, Union Secretary, Ministry of Tourism chu kawmin Mizoram mamawh a thlen. Sports meet Thawhtanni khan January ni 14-18, 2019 chhung awh tur XIX Mizoram Police Sports Meet hawnna Rajiv Gandhi Stadium-ah neih a ni a. Home Minister Lalchamliana chu khuallian niin a hmanpui a, Sports Meet thupui chu ‘Unity through Sports’ tih a ni. Bhavan hawng Thawhtanni khan kum 2019 atana Congress Party Office ‘Congress Bhavan’ hawn a ni a, MPCC President Lal Thanhawla leh hruaitu pawimawh rual engemawzatin thu an sawi. Paih thla Chakma Autonomous District Council (CADC) Chairman paih thlak a nih hnuah Thawhlehni khan Chief Executive Member (CEM) chu rintawk lohna ‘motion’ hmang bawkin paihthlak leh a ni. Chawimawi MPC party chuan Thawhlehni khan kumin 2019 atan an Party Office hawnna inkhawm an hmang a, MPC Party atanga MLA-a thlan tlin Vanlalhlana, VL Zaithanzama leh C. Lalsawivunga te lawmpuina citation leh pangpar thi hlanna an nei. Sawiho Mizoram sorkara PWD leh Central YMA in nikum 2018 June ni 14 a MoU an lo siam tawh thlirletna leh sawihona chu Thawhlehni khan Chanmari Br. YMA hall-ah neih a ni. Inkhawmpui Thawhlehni khan Mizoram Pharmacists' Association chuan Chaltlang Tourist Lodge-ah General Conference neiin National Pharmacy Week an hmang bawk. HM kawm Chief Minister Zoramthanga chuan Thawhlehni khan Union Home Minister Rajnath Singh chu hmu in Mizoram tan All India Service seperate cadre neih dan turte, Assam Rifles Zokhawsang a sawn tur chungchang te a sawipui. Inhlan thar Thawhlehni khan MJA General Headquarters member te chuan kumthar 2019 atan inhlantharna leh kumthar thingpui inhona hun an hmang. Hawng Co-Operation Department Minister C.Lalrinsanga chuan Thawhlehni khan Mizoram Urban Cooperative Development Bank Limited (MUCO) Bank Server cheng nuai 35 senga din chu hawngin, a vawi khatna atana MUCO bank-in an buatsaih ATM Debit Card a tlangzarh nghal bawk. Inkawm Thawhlehni khan Secretariat Conference Hall-ah Health Minister Dr. R.Lalthangliana leh Health & Family Welfare Department a hotuten inkawmna hun an hmang. Inkawm MZP Gen.Hqrs. hruaitute te chuan Nilaini khan Home Minister Lalchamliana chu a office-ah an hmu a, Inner Line Permit (ILP), Mizoram Boundary leh Rel lo luh huna Zofate kan himna tur atana lo in ven dan tur chungchangte an sawipui. CAB sawiho Nilaini zing khan Mizoram Chief Minister Zoramthanga chu a thlenna Mizoram House, Chanakyapuri, Delhi-ah Nagaland Chief Minister Nephui Rio nen an inkawm a, CAB leh thil dangte an sawiho. Free clinic Civil Hospital Aizawl-in Aizawla Mizoram Journalists' Association member-te tan a thlawna inentirna a buatsaih chu Nilaini khan neih tan a ni a, January ni 25 thleng a awh ang.