CS hlui thlah
Chief secretary kal chhuak Arvind Ray thlahna hun chu, February 13, 2019 khan chief secretary Lalnunmawia Chuaungo hovin Secretariat conference hall-ah hman a ni.

Lawngtlai DC thar
Lawngtlai DC atana ruat thar Shashanka Ala, IAS chuan February 13 khan Lawngtlai DC pisaah a hna thar a zawm a, bawrhsap kal chhuak N Chakhai, MCS hnen a?angin mawhphurhna a la. Shashanka Ala hi Hyderabad chhuak a ni a, Indian Institute of Technology (IIT) Madras a?anga Electronic Engineering a zir zawh hnuah kum 2014 khan IAS-ah tlingin, AGMUT cadre a niin, Lawngtlai DC leh Supply director hna a lo chelh tawh.

Larsapin tlawh
Governor Kummanam Rajasekharan chuan February 13, Nilaini khan Kerala state-a Wayanad khuaah Uravu Indigenous Science and Technology Study Centre-a mau sâwngbawltute leh mau hmanga eizawng­tute a tlawh. Larsap chuan, Mizoramah mau tam tak a awm thu leh thawhhona leh insumdawn tawnna a awm theih a beisei thu a sawi a; Mizoram tlawh turin a sáwm a ni.

State Day sawiho
GAD secretary Lalthangpuia Sailo hoin February 13 khan February 20, Mizoram State Day vawi 32-na lawm dan tur rêl. State Day hi chawhma dar 11 a?angin Vanapa Hall-ah lawm a ni dawn a, sorkar hnathawkte leh mi zawng zawng tel tura ruahmanna siam a ni.

CM Relief Fund
Mizoram SSA Teacher's Association chuan February 15, 2019 khan Chief Minister's Relief Fund-ah Rs. 10,000 an chhung.

DC leh NGO inkawm
Kolasib DC thar Zoengsanga chuan February 13, 2019 khan DC Conference Hall-ah Kolasib District NGO Coordination Committee hruaitute a kâwm a, Kolasib district hmasawnna atan thawpuiah a sáwm.

Zirtirtu thlah
Pachhunga University College Teachers’ Association (PUCTA) chuan Zirtawpni khan khan an voluntary retirement-a zirtirtu hna chawlhsantu associate professor Dr R Lalthangliana, Department of Sociology leh associate professor Lalchamliana, Department of Political Science-te thlahna hun an hmang.

Protest Day hmang
NGO Coordination Committee (Joint NGO) chuan The Citizenship (Amendment) Bill, 2016 (CAB) duh lohna leh dodalna lantir nan Nilaini chawhnu lam khan Vanapa Hall kawtah Protest Day an huaihawt a, mi 1,000 vel an pungkhawm.

Pawl 8-ah tihniam
Mizoram Council of Ministers meeting, February 12, 2019-a neih chuan Mizoram sorkara group-D hna diltute qua­lification HSLC ni ?hin chu pawl 8 (Class-VIII) pass chinah a tihniam.

Fire Prevention Week
Feb 12 khan Mizoram hmun hrang hrangah Fire Prevention Week hawn a ni a, district ?henkhatah chuan inelna turte buatsaih.

Pi Robert-i a thi
osap missionary zinga mi, Pi Robert-i (Mair Roberts) w/o Pu Robert-a (Rev. Alwyn Roberts) chu India huna February 12, Thawhlehni zing dar 4 vel khan Alzheimer natna vangin Bangor, Wales-ah a thi.

Sikul tan hun
Council of Ministers February 12 khan chief minister Zoramthanga kaihhruaiin Chief Secretary Conference Hall-ah an ?hukhawm a; Mizorama minimum wage rate siamthata tihpun rawtna an pawm a, sikul ?an hun atan zing dar 9 ni se, an ti.
Cabinet meeting hianprivate school thenkhatah chhan hrang hrang vanga dar 9-a tan thei lo an awm chuan School Education Director hriattir se tiin, thu an dah bawk a ni.

MSU din cham
Mizo Students' Union (MSU) general headquarters, Aizawl chuan nimin Feb 12 khan MSU din champha vawi 18-na an lawm a, MSU din champha lawm nan hian hnatlan a nih bakah, khaw ?henkhatah chuan thisente an pe a ni.

VDay-ah mi 888
Association for Voluntary Blood Donation (AVBD) leh an thawhpuite chuan, Valentine's Day pualin Mizoram district hrang hrangah Blood Donation Camp an huaihawt a, mi 888-in thisen an pe.

Fire Station hawng
Home minister Lalchamliana chuan, February 14 khan ITI Vengah Fire Station building a hawng. Minister chuan, Fire Station building hawn thar ni chu Police leh Fire & Emergency Services-te tan ni chhinchhiah tlak a nih thu a sawi.