Thukhawm Thawhtanni khan Mizoram Lok Ayukta Selection Committee chu Video Conferencing hmangin an thu ho. Chairman Lal Thanhawla, Chief Minister leh Member dang 3 zinga 2 Chief Justice, Gauhati High Court aiawh, Justice N. Kotiswar Singh leh Opposition Leader Vanlalzawma ten Mizoram Lok Ayukta Chairperson tur chu Lok Ayukta Search Committee in hming a lo recommend tawh atanga thlan tur an ngaihtuah a, thutlukna erawh la siam rih lovin hun remchang hmasa bera thu ho leh turin rel a ni. Case file tum BJP State President Prof.JV Hluna chuan Nilaini khan Press mite kawmin Chief Minister Lal Thanhawla'n BJP-in MLA leina tur sum Assam Rifles ah nge CRP ah an dah tih a sawi chungchang a insawifiah loh chuan case file an tum tih a sawi. Seat 26 beisei ZPM Chief Ministerial candidate Lalduhoma chuan Thawhtanni khan an party office ah thu sawiin ni 11.12.2018-a inthlan result puan turah ZPM chuan hnehna changin seat 26 an lak a beisei tih a sawi. Workshop Thawhtanni khan Mizoram University ah ‘One Day Workshop on National Assessment and Accreditation Council (NAAC) Awareness Programme chu Conference Hall, Department of Education ah neih a ni. Thisen pe Association for Voluntary Blood Donation chuan Thawhtanni atang khan Aizawl Civil Hospital leh Synod Hospital blood bank-ah Krismas puala thisen pekna hun an buatsaih tan a, Aizawl Civil Hospital (ACH) Medical Superintendent Dr. KL Remsanga'n a hawng. Rawk MNF General Hqrs. office, Mizo Hnam Run chu Thawhtan zing khan rawk a ni a, bungrua eng emaw zat rukru hian a la a, rukru hi Police ten chhuizui nghalin an man. Vote thlak November 28, 2018-a Mizoram State Legislative Assembly inthlanpui buatsaiha hmun dang ruala vote thlak zawh hman lohna, Lawngtlai District chhunga 36-Tuichawng (ST) Assembly Constituency hnuaia 36/35-Ajasora polling station-ah chuan Thawhlehni khan vote thlak that a ni. Week Thawhtanni khan Aizawl leh hmun hrang hrangah Zoram Drivers' Union (ZDU) huaihawtin Road Safety Week vawi 38-na hman tan a ni. Rualbanlo ni Thawhtanni khan Aizawl leh District khawpuiah te International Day of Persons with Disable Day pualin hun hman a ni. Tan Presbyterian Kohhran Mizo Synod thuneitu sang ber Synod Inkhawmpui vawi 95-na chu Thawhlehni atang khan Electric veng biakin ah neih tan a ni. Sawiho Thawhlehni khan SP Aizawl Office ah Krismas leh Kumthar vuakveta halpuah leh a kaihhnawih, silai lem a mu kap chhuak thei chite khap chungchang sawiho a ni. Games tan Thawhlehni atang khan 17th Higher Secondary School Games, 2018 chu Aizawl-ah neih tan a ni. Chuh rel PRISM Party chuan Thawhlehni khan MLA inthlan thlirletin party hmasawnnaah an lawm a, Lok Sabha MP thlan turah candidate neih ngei ni se an ti. Fair Mizoram Florists' Association leh Horticulture Deptt. tangkawp buatsaih in Florist Fair vawi 38-na chu Thawhlehni atangin City Park, Aizawl-ah neih a ni. Lawm Thawhlehni khan Mizoram Remote Sensing Application Centre (MIRSAC) chuan North East Technology Sabha 2018 Award a dawn lawmna chu Directorate of Science & Technology Conference Room-ah an nei. Zofest Mizo Zirlai Pawl,(MZP) General Headquarters-in kum 2 dana a lo buatsaih thin khawvel hmun hrang hranga Zofate inkhawmpui lian chu Thawhlehni zan khan ‘Zo Inpui’ Reiek, Mamit District-ah tan a ni. Pungkhawm Nilaini khan CADC a MNF Thalaite chuan CADC Secretariat kawtah Shanti Jiban Chakma in amaha CADC Executive Committee amaha a function duhloh lantirna an nei. Rel Ningani khan Mizoram Chief Secretary Arvind Ray hovin sawrkar mi pawimawh ten Chief Secretary Conference Hall-ah sawrkar thar lak luh ‘swearing in ceremony’ neih dan tur leh a kaihhnawih thil pawimawh te an rel.