The Week That Was (Feb 10, 2019)
Hawng
Ni 3.2.2019 (Pathianni) khan Mizoram Engineering College, Lunglei Pukpui a mi chu Jammu & Kashmir atangin Prime Minister Narendra Modi-a’n India hmun danga professional college 10 leh Higher Education Institute hnuaia project 136 te nen a rualin a hawng.
CS thar
Sawrkar laipui chuan Mizoram sawrkar hnuaia Principal Secretary hna chelh mek Lalnunmawia Chaungo chu Thawhtanni khan Mizoram Chief Secretary thar atan a ruat a, Chief Secretary nilai Arvind Ray chu Delhi-ah transfer a ni.
Lawmlut
Thawhtanni khan NHM Mission Director Dr. Lalrozama IAS chuan Breach Programme for Certificate for Community Health Nursing zirtur mi 10 te chu Civil Hospital-ah a lawmlut.
Training
A vawikhatna atana Mizoram MLA-a thlan tlin te tan February ni 4-6 inkar khan BPST, Lok Sabha Secretariat chuan New Delhi-ah ni thum awh tur “Orientation Programme for Newly Elected Members of the Mizoram Legislative Assembly” a buatsaih a. He programme-ah hian MLA 21 an kal a, Assembly Secretariat atangin official 3 in an tawiawm.
Cancer day
Thawhtanni khan “Ka ni a, Ka thei a ni” tih thupui hmangin World Cancer Day, 2019 chu Assembly Conference Hall, Treasury Square-ah hman a ni a, Health & Family Welfare Minister Dr. R.Lalthangliana chu khuallian a ni.
Lungphum
Food Civil Supplies and Consumer Affairs changtu Minister K.Lalrinliana chuan Thawhlehni khan Tavern Guest House, Chaltlangah Spice Gas Bottling Plant sakna tur lungphum a phum.
Thehlut
PRISM party chuan lian zawk leh nasa zawka Citizenship (Amendment) Bill, 2016 (CAB) dodal a nih theih nan all party meeting ko tura ngenna Thawhlehni khan Chief Minister leh Speaker hnenah an thehlut.
Kawm
Azerbaijan-a India palai (ambassador) Vanlalvawna, IFS chuan Thawhlehni khan Governor Kummanam Rajasekharan, chief minister Zoramthanga leh minister Dr R Lalthangliana te a kawm a, thil pawimawh a sawipui.
Hawng
Central YMA chuan February 5, Thawhlehni zan khan Vanapa Hall-ah YMA kumpuan 'Ram leh hnam humhalh' hawnna inkhawm an buatsaih. CYMA president Vanlalruata bakah mi pawimawh ten thu an sawi.
Handloom fair
Federation of Mizoram Handloom & Handicrafts (ZOHANDFED) chuan Nilaini khan ni li awh tur 'Handloom Fair 2019' chu Aizawl Convention Centre sakna hmun atana ruahman, Khatlaa Commerce & Industries Directorate kawtah an buatsaih a, MJA president Zonunsanga Khiangte-in a hawng.
Tlangzarh
Aizawl khawpuiah mimal ina motor dahna (parking) siamte sorkarin a puihna tur duan thar, Parking House Support Scheme chu Nilaini khan chief minister Zoramthanga'n Chief Minister's Office conference room-ah a tlangzarh. He scheme-ah hian financial year kal mek 2018-19 atan sorkarin cheng vbc. 10 vel an dah phawt thu a sawi.
Dy. CM kan
New Delhi-a MLA Orientation Training neia kal Zoram Peoples' Movement MLA-te chuan cancer vanga Max Hospital, Delhi-a enkawl mek deputy chief minister Tawnluia chu February 6 khan an kan.
Tihdanglam tum
Federation of Mizoram Government School Teachers (FMGST) chuan Ningani khan khawmpui an hmang a, he huna khuallian School Education minister Lalchhandama Ralte chuan academic session tharah sikul kai hun tihdanglam a nih dawn thu a sawi.
Thu tiam
Sawrkarin Singlung Hills Council Member tura a ruat thar mi 14 te chuan Ningani khan Aizawl DC Office ah rinawmna thutiam ‘Oath of Affirmation’ neiin an la lut.
Hawng
Excise & Narcotics Minister Dr. K. Beichhua chuan Ningani khan Rangvamual-ah Excise & Narcotics outpost thar a hawng.
Sawiho
Ningani khan Chief Minister Zoramthanga chuan CM's Conference Hall-ah State Mission Director Lalthangliana Murray, National Bamboo Mission leh a thawhpuite hmu in Mizorama Bamboo Mission kalpui dan leh hmalak zel dan tur an sawiho.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024