Inhlan thar Ni 7.1.2019 (Thawhtanni) khan Information & Public Relations Minister Lalruatkima chuan I&PR Department-a thawk zawng zawngte leh MJA member-te, Kumthar 2019 atana inhlantharna hun, I&PR Auditorium-ah a hmanpui. Hawng Mizoram Presbyterian Synod Office leh UPC (North East India) office te chu Thawhtanni (7.1.2019) atang khan kum 2019 atan hawn a ni. Ni 7.1.2019 vek khan MNF Office, Hnam Run pawh hawn tan a ni a, a hawnna ah hian thu sawiin MNF President leh Chief minister ni bawk Zoramthanga chuan a kaihhruai sorkar chu mi dang dem hman an nih loh thu sawiin, "Hna kan thawk char char dawn," a ti. Hrem phut Republic Veng Joint Action Committee chuan Thawhlehni khan thuchhuah siamin, January 9, 2015 zana an venga tualthahna rapthlak tak, Sangliansiama te chhungkuaa mi panga ?um khata thattua puh Laltlanchhuaha chungthu rel fel thuai an phût thu leh, a na thei ang bera hrem an phût thu an tarlang. Bandh Ni 8.1.2019 (Thawhlehni) khan North East Student Organisation (NESO) bul tumin India hmarchhak state hrang hrangah The Citizenship (Amendment) Bill, 2016 duh loh lantirna leh dodalna lantirna atan total bandh huaihawt a ni a; Mizoramah pawh MZP-in zing dar 5 a?anga tlai dar 4 thleng total bandh an huaihawt. MZP chuan Thawhlehni chawhnu dar 1:30 khan Aizawl Head Post Office, Treasury Square bulah The Citizenship (Amendment) Bill, 2016 copy an hal. Hawng Sairang Village Council hmalaknaa Tlawng kawng chei that chu ni 9.1.2019 zing khan Rural Development Minister Lalruatkima’n a hawng. Pisa luah Government Deputy Chief Whip Lalrintluanga Sailo, MLA chuan ni 9.1.2019 khan Assembly Secretariat, third floor-ah a pisa a luah tan a, Pathian hnena lawmthu sawina hun hman a ni. Thukhawm Ni 9.1.2019 (Nilaini) chawhma dar 11:00 khan 8th Mizoram Legislative Assembly a General Purpose Committee (GPC) chu a vawikhatna atan an thukhawm a, Chairman Hon’ble Speaker hovin Member te chu Chief Minister & Finance Minister, Parliamentary Affairs Minister, Opposition Group Leader pahnih leh Assembly Committee hrang hrang a Chairman te an ni. Chapchar Kut Ni 9.1.2018 (Nilaini) khan Chapchar Kut Organising Committee chu an Chairman, Chief Minister Zoramthanga hovin an thukhawm a, kumin Chapchar Kut chu Aizawl Sipai Lammual-ah hman leh nise, Kut hi ni hnih February ni 28 chu Mizo infiamna hrang hrang entirna ah hmangin, Art & Culture Minister R.Lalzirliana chu Kut Pa ni turin a ruat a; March ni 1 chu a lawmna ni pui ber a hman turin leh Kut Pa atan Chief Minister Zoramthanga chu a rel. Kumin Chapchar Kut thupui atan “Zofate Inpumkhatna” tih chu thlan a ni. Meeting Ni 9.1.2019 (Nilaini) khan Food, Civil Supplies & Consumer Affairs Minister K.Lalrinliana hovin meeting neih a ni a, sawrkarin chini a sem theih nana ruahmanna Department-in a duan chhuahte sawiho a ni a, FEAST Software chu a hmasa ber atan Aizawl District-ah enchhin nise, tiin an rel. Nuar Ni 9.1.2019 (Nilaini) khan Mizoram Rural Bank leh Dak hnathawkte an nuar a, pisa an kai loh avangin mi engemawzatin harsatna an tawk. Inhlanthar Ni 9.1.2019 khan Mizoram Legislative Assembly Speaker Lalrinliana Sailo hovin Assembly Annexe Conference Hall-ah Assembly Secretariat hnuaia officer leh staff zawng zawngten Pathian hnena inhlanna leh Kumthar 2019 thingpui inhona hun an hmang. Missionary Day Zirtawpni kha Mizorama missionary hmasa Sapupa (FW Savidge) leh Pu Buanga (JH Lorraine) ten January 11, 1894-a Mizoram leilung an rah champha, Missionary Day vawi 125-na a ni a, Baptist Church of Mizoram (BCM) kohhranten uar takin an lawm. Thupui chu ‘Isua Krista, khawvel chhandamtu’ tih a ni. CADC Depy. Chairman Chakma Autonomous District Council (CADC) chuan nimin khan thutkhawm hmanhmawhthlak (emergency session) an nei a; CADC deputy chairman atan Durjya Dhan Chakma, MNF chu chuhtu awm loa thlan tlin a ni. &&&&&