Hnam Hnatlang NGO Coordination Committee chuan Thawhlehni (6.11.2018) khan Mizoram chief electoral officer (CEO) SB Shashank chhuah tura phut nan CEO pisa tualah ‘Hnam hnatlang’ an ko a, mi sang tam tak an pungkhawm. CM in ngen Chief minister Lal Thanhawla chuan Prime minister Narendra Modi leh Union Home minister Rajnath Singh hnenah lehkhain CEO SB Shashank sawn chhuak turin a ngen. Mipui ngen Zoram Peoples' Movement (ZPM) Val Upa Council (VUC) chairman Lalfakzuala chuan Thawhtanni khan Aizawl Press Club-ah chanchinbumite kawmin, Mizoramah party pahnih te'n kum 30 chuang ro an rel tawhah ram leh mipui tana an tih theih tâwk an ti tawh a tih an sawiin thlak a hun thu an sawi bawk. Speaker bang Indian National Congress (INC) ticket-a Palak bial atanga MLA atana thlan tlin Hiphei, Assembly speaker chuan ni 6.11.2018 (Thawhtanni) khan MLA atanga a bànna lehkha, deputy speaker R Lalrinawma hnenah a thehluta, BJP zawm. Press kawm Mizoram atanga Rajya Sabha MP Ronald Sapa Tlau chuan Thawhtanni khan Aijal Club-ah thuthar thehdarhtute a kâwm a; BJP chu an hlauhawm a ni tiin in­thlanpui awm turah Congress party-in seat 26-30 inkar an lak an beisei thu a sawi. Press kal lo Thawhtanni kalta khan Chief Electoral Officer SB Shasank chuan Press conference a nei a, MJA lamin an boycott avangin tualchhung chanchinbumi kal an awm lo. DC office vawm Kolasib DC leh district election officer (DEO) Dr Arun T-a'n Mizoram electoral roll-ah Bru voter 600 vel thu belh a tum nia hriat vangin Thawhlehni tlai khan Kolasib mipuite DC pisa kawtah an pungkhawm a; DC building darthlalang an vawm chhe nual. HLiam erawh an awm loa, DC pawh a him. Puang Mizoram sorkar hnathawk pawl hrang hrang inzawmkhawmna, Federation of Mizoram Government Employees & Worker (FMGEW) chuan (CEC) Om Prakash Rawat hnenah lehkha an thawn in CEO chu an thawhpui theihloh thu an thlen.. Sawipui MZP hruaitute chuan Nilaini khan Zoram Peoples' Movement (ZPM) hruaitute chu ZPM pisaah kal chilhin an kâwm. Chhuahsan Mizoram Chief Electoral Officer SB Sashank chu Election Commission of India (ECI) chuan Delhi-ah a ko a, Nilaini khan Delhi a pan. Inkawm Mizoram DGP leh Senior Police officer-ten Nilaini khan Aizawl SP Office-ah NGO hruaitute an kawm. Police hotute chuan tun tum inthlannaa venhim hna thawktu tur Armed Force-te lakluh chungchang sawifiahin lo lut tur te phurh nana lirthei hman te lakah mipuiin harsatna an siam loh nana thawhpui turin an ngen. Common candidate Hachhek consti­tuency-a Bru candidate dah tumna a awma an hriat avangin Hachhek All NGO Coordination Committee (HACNCC) chuan Central YMA ráwn chungin candidate intâwm (common candidate) atan J Lalsailova, Mission Veng an thlang. Inkawm MZP hruaitute Ningani khan PRISM pisaah PRISM party hruaitute an kâwm a; Mizoram-Assam ramri, ramri hrûlah sipai dah, Bairabi-a Zofate Chawlhbuk sak, zirna leh Lok Ayukta chungchanga an hmalak tum dante an zawt. CM a lawm NGO-Co ordination Committee-in “Hnam Hnatlang” Mizoram pum huapa a buatsaihah Mizo zawng zawng inlungruala, lirtheia sumdawng te, dawrkai ten an eizawnna ber dawr khara private zirna in te thlenga khartu pawl hrang hrang te chungah Chief Minister Lal Lalthahawla chuan lawmthu a sawi. Pangpar dah Zoram Peoples' Movement (ZPM) hruaitute chuan Zirtawpni khan Mizoram Peoples' Conference (MPC) president hlui leh chief minister hlui Brig. ?henphunga Sailo thlân, Kanan Venga an in kawtah zahna pangpar an dah. Jt.meeting nei Ningani chhun dar 12 khan Central YMA, Mizoram Marchant Assn. (MIMA) leh Aizawl City Area Local Council Association hruaitute chuan Central YMA Office-ah meeting neiin Halpuah, Halmawi leh Silai lem a mu kap chhuak thei (a kap na chi) khap chungchang a hmalakho dan tur an sawiho. Thlen dawn Kolasib NGO Coordination Committee phût angin Kolasib district election officer (DEO) Dr Arun T, district bawrhsap chuan Tripura relief camp-a Bru-te electoral roll thun tharte paih an nih theihna atan electoral roll chu Mizorama rawn thawn let leh turin Election Commission of India (ECI)-ah a thlen dawn niin a sawi. Convocation Mizoram University chuan Zirtawpni khan MZU Multipurpose Hall, Tanhril ah 13th Convocation an nei a, Governor Kummanam Rajasekharan chu khuallian a ni.